CC BY
398MUHAMMAD AMINXO'JA MUQIMIY HAYOTI VA FAOLIYATINING
O'RGANILISHI Hasanov Husniddin Kamol o'g'li SamDU magistranti
Annotatsiya. Muqimiy ijodini o'rganish uning hayotlik chog'idan boshlangan. She'rlariga bildirilgan turli-tuman munosabatlar haqidagi bahslar, maqolalar bunga dalil bo'ladi. Shoir vafotidan to'rt yil keyin uning devoni "Devoni Muqimiy" nomi bilan ilk bor 1907-yilda Muqimiy Nikolay Ostroumov tomonidan nashr etilgan1. Unda shoirning she'riy asarlari bilan birga tarjimayi holi va ijodi haqida qisqacha ma'lumot ham berilgan.1910-yili Portsev litografiyasida "Devoni Muqimiy maa hajviyot" nomi bilan shoir asarlarining ikkinchi nashri amalga oshirildi. Gazeta va jurnallarda qator maqolalar e'lon qilindi. Bu xayrli ishning boshida buyuk shoir G'afur G'ulom turdi. Uning tashabbusi bilan 1938-yil "Muqimiy bayozi" tuzilib nashr etildi. "Bayoz"da shoirning 800 misradan iborat 27 ta she'ri berilgan bo'lib, ular janr xususiyatiga qarab joylashtirilgan (Satira-yumor, lirika) va ularga zaruriy izohlar, lug'atlar berilgan.1950-yil shoir asarlari "Lirika i satira" nomi bilan Moskvada rus tilida bosildi.1953 yil Muqimiy vafotining 50 yilligi munosabati bilan u haqda bir qator tadqiqotlar yaratilib, Muqimiyshunoslikka asos solindi. H.Yoqubovning "O'zbek shoiri Muqimiy', A.Olimjonovning "Muhammad Amin Muqimiy", H. Zaripovning " Muhammad Amin Muqimiy", H.Razzoqovning " Muqimiy va Zavqiy" nomli kitoblari hamda " Furqat va Muqimiy"nomli maqolalar to'plami nashr etilgan. Ushbu maqolada mustaqillikkacha bo'lgan davrdagi adabiyot darsliklarida Muqimiy hayoti va faoliyatining o'rganilishi yoritilgan.
Kalit so'zlar: adabiy meros, Qo'qon madrasalari, demokratik adabiyot" Muqimiy bayozi", "Dorig'o mulkimiz", "Hajvi Vikturboy", "Dar mardumi oqjar batariqi muxammas", "Dar mazammati zamona", "Ho'qandlik bir boyning sha'niga Muqimiy shoirning aytkon she'ridur", "Sayohatnoma", "Dar mazammati qurbaqa"
Abstract. Studying Mukhimiy's life started while he was alive. Different discussions for his poems can be proof for that. Four years after the death of the poet, his initial completion was published by Nikolai Ostroumov in 1907 under the name "Devoni Mukhimy" In that completion consisted of not only his poems, there was his brief biography and creation.In 1910 in Portsev lithography was carried out the
1 N. Karimov, B .Nazorov, U, Narmatov , Q. Yo'ldashev. Adabiyot darslik. Toshkent 2004-yil.
200
R
second edition of the works of the poet with the name" Devoni Mukhimiy maa hajviyot". A number of articles were published in newspapers and journals. the auspicious work was carried out by the great poet Gafur Gulom. On his initiative, in 1938 was established and published the "Mukhimy bayazi". In "Beyaz" were given 27 poems of the poet, consisting of 800 lines, which were placed according to the features of the genre (satire-humor, lyrics) and they were given with the necessary explanations, dictionaries.In 1950 the works of the poet were issued in Russian in Moscow under the name "Lyrics and satire". On the occasion of the 50th anniversary of his death in 1953 a number of studies were created about him and laid the foundation for his studies. H.Yagubov's "Uzbek poet Mukhimy', A.Olimjonov's "Muhammad Amin Mukhimy ", H. Zaripov's" Muhammad Amin Mukhimy ", H.Razzakov's books "Mukhimy and Zavkhy", a collection of articles" were published. This article covers the study of Mukhimy's life and activities in the textbooks of literature in the pre-Independence period.
Keywords: Literary Heritage, Kokand madrasahs, Democratic literature "Mukhimy bayazi", "Dorigo our property", "Hajvi Vikturboy", "Dar mardumi akjar batarigi muhammas", "Dar mazamati zamona", "The poem of of the poet who settled in Khukhand the honor of one rich man, "travelogue", " Dar mazamati frog"
Mustaqillik yillarida jamiyatimiz hayotining barcha sohalarida bo'lganidek, ijtimoiy-siyosiy va ma'naviy yo'nalishlarda ham milliy o'zligimizni anglash, davlatchiligimiz tarixining noma'lum sahifalarini, milliy adabiyotimiz tarixini qaytadan o'rganish, asossiz ravishda unutilgan ijodkorlar hamda tafakkurimizning boy ilmiy ijodiy merosini yoritish bilan bog'liq izlanishlarga keng yo'l ochildi.
Ta'kidlash joizki, o'zbek xalqining adabiy-tarixiy merosida mumtoz adabiy asarlar salmoqli o'rin egallaydi. Ana shunday asarlarni, merosimizni haqqoniy o'rganish, ularni ilmiy tahlil qilish bugungi kunimizning dolzarb vazifalaridan biridir.
XIX-XX asr o'zbek milliy madaniyati markazlaridan biri, shubhasiz, Qo'qon shahri edi. Bu yerda XVIII - XIX asrning birinchi yarmida ilm- ma'rifat olamida nomi dunyoga mashhur bo'lgan ulug' va mutafakkir shoirlar yetishib chiqadi. Xususan, XIX asrda Qo'qon xoni Umarxon (1810-1822) va uning umr yo'ldoshi shoira Nodiraning sa'y- harakati tufayli Qo'qon shahrida ilm-ma'rifat adabiy muhiti paydo bo'ladi. Ushbu adabiy muhit yetishtirib bergan ijod ahli taraqqiyotimizning turli davrlarida adabiy harakatning faol ishtirokchilari bo'lishgan. Ularning asarlari xalqimizning o'lmas ma'naviy mulkiga aylangan. XX asr adabiyotshunosligida mumtoz adabiyot tarixi, xususan, uning ijodkorlariga biryoqlama baho berilgan. Turli
KIRISH.
xil sabablar bilan ba'zi adabiy asarlar o'rganilmagan. Shundan kelib chiqib o'zbek adabiyoti tarixiga nazar tashlasak, Sovet davri tarixshunosligi iloji boricha XIII-XIX asrlarda o'zbek xalqining fan va madaniyat sohalaridagi tarixini bo'yab ko'rsatishga intilgan. O'sha davrda shoir va yozuvchilarni saroy atrofiga to'plangan mansabparast, xushomadgo'ylar sifatida ta'riflangan. Qo'qon adabiy muhiti vakillarining ijodi sovet davri adabiyotshunosligida o'rganilar ekan, ularning faoliyatiga biryoqlama munosabatda bo'lgan. Xususan, Adoni feodal-klerikal adabiyot vakili sifatida tanishtirishgan. U va u kabilar haqida: "Umarxon saroyining "malik ush-shuarosi"("shoirlar podshohi") Sultonxo'ja to'ra Ado va ularning hamfikrlarining sinfiy manfaati bir xil edi. Xonlar ana shunday guruhlarning, ya'ni hukmron feodal aristokratiyasining boshlig'i, shu sinf manfaatlarining himoyachisi, to'g'rirog'i, o'sha sinf talablarini amalga oshiruvchi ijrochi edilar2", - deyilgan.
ADABIYOTLAR TAHLILI VA METODLAR.
Ishda Muqimiyshunoslikda amalga oshirilgan salkam bir asrlik tarix yoritilgan bo'lib, unda qiyosiy-chog'ishtirma, tarixiy-tipologik metodlardan foydalanilgan.
NATIJALAR.
Ana shunday ijodkorlardan biri o'zbek adabiyoti tarixida o'z munosib o'ringa ega bo'lgan ijodkor Muhammad Aminxo'ja Muqimiydir. Shoir 1850-yilda Qo'qon shahrining Bekvachcha mahallasi (hozirgi Muqimiy ko'chasi)da dunyoga kelgan. Otasi Mirzaxo'ja Mirfozil o'g'li novvoy bo'lgan, onasi Bibioysha Sayidolim Nodirshayx qizidir. Shoirona tabiatga ega bo'lishida onasining o'rni beqiyos. Chunki onasi ajoyib ta'limga ega, og'zaki ijodni juda yaxshi bilgan. Ayni shu ayol tufayli Muqimiyda shoirona iqtidor rivojlanadi. O'zining birinchi she'rini o'n yoshida yozadi. Muqimiy oilada besh farzand bo'lishib, uchinchi farzand bo'lgan. Muhammad Aminxo'ja xat-savodini mahallasidagi Abduhalil domlaning maktabida chiqargan. U xattotlikka ham qiziqib, qo'qonlik mashhur xattot Muhammad Yusufdan husnixatni o'rgandi. Shoir 15-16 yoshlaridan boshlab "Muqimiy" ("doimiylik"3 ) taxallusida she'rlar yoza boshladi,.
So'ngra, ba'zi ma'lumotlarga qaraganda, Qo'qondagi Hokimoyim madrasasida va Buxoro madrasalarida tahsil olib, arab, fors tillarini chuqur o'zlashtirgan. Qo'qon madrasasini bitirgandan tahsilni davom ettirish maqsadida Buxoroga bordi. U yerda bir necha yil mobaynida ilm-ma'rifat bilan shug'ullanib, o'z zamonasining yetuk va peshqadam shoiri sifatida tanilgan edi. Muqimiy 1876-yilda o'qishni tamomlab Qo'qonga qaytadi. Qo'qonlik aslzodalar doirasida uni ehtiyotkorona kutib olishgan,
2 Qayumov A., "G'oziy" , T. 1959-yil,24-bet
3 Arboblar.uz. Tarjimaiy hol
R
qabul qilishmagan. Shoirning o'zi yozishicha, "Aynan yoqimsiz Qo'qon aslzodalari meni nuqtai nazarlarimni ko'rib chiqishga va o'zimdagi yangi axloqiy va adabiy qarashlami rivojlantirishga imkon berdi. Hafsalamning pir bo'lishi menga katta yordam berdi" Ko'rinib turganidek, Muqimiyning qalami o'tkirlanishida ijtimoiy muhit alohida o'rin tutadi. Adabiyot darslarida adib hayoti va ijodini o'rganishda uning muallifi haqidagi ma'lumotlar ham alohida o'rin tutadi. Mazkur ma'lumotlar asosan qayerdan olinadi? Ularni adiblarning o'zlari yozib qoldirgan tarjimaiy hollardan, adib haqida aytilgan zamondoshlar, uning tengdoshlari, ustozlari yoki shogirdlari, tanish- bilishlari va muxlislari tomonidan aytilgan yoki yozma holida yetib kelgan manbalardan olinishi mumkin.
Barchamizga ma'lumki, o'zbek adiblarimizning bizga qoldirib ketgan nodir ma'naviy boyliklardan bahramand bo'lish, har bir tarixiy davr ruhini bilish, xalqimizning turmush tarzi, shu davrga xos ijtimoiy munosabatlar ko'proq adib orqali kitobxonlar qalbiga yetib boradi. Bu boradagi eng yaxshi omillardan yana biri adib va yozuvchilarning asarlarida saqlanib qolgan materiallardir. Ravshanki, biografik ma'lumotlar o'z mazmuni bilan yoshlarni milliy ma'naviyatimizni anglash, his etish ruhida tarbiyalashda o'ziga xos o'rin tutadi. Masalan, Muqimiy haqida gapirib turib, Nikolay Ostroumov o'z maqolasida uning shaxsiga baho berib shunday degan edi: Shoirni o'quvchiga qalandarsifat, darveshvash bir qiyofada taqdim etadi va asosiy mashg'ulotini taqvo va she'r yozishda zamondoshlari singari zullisonayn edi... " - deb ko'rsatadi.
Umumiy o'rta ta'lim maktablarining "Adabiyot", "O'zbek adabiyoti" darsliklari bilan tanishish shuni ko'rsatadiki, adibning bolaligi, o'sib ulg'ayish davri juda qisqa yoritiladi va bundan uning ichki olamini, ruhiyatini bilib olish qiyin bo'ladi. Shuning uchun ham hozirgi kunda har bir pedogogdan adib hayoti va ijodini o'rganishda axborot kommunikatsiyalardan va matbuot materiallardan foydalanishning o'rni kattadir. Badiiy asarni tahlil qilish jarayonida adibning o'z fikrlaridan foydalanish ham yaxshi samara beradi. Yuqoridagi fikrga tayanib aytish mumkinki, shoir o'zi aytganidek, Qo'qon aslzodalari yaxshi kutib olmaganligi sababli, yangi axloqiy va adabiy qarashlarni rivojlanishi va hafsalasining pir bo'lishi unga katta yordam berdi. Yozuvchining tarjimayi holi turli xildagi materiallar: muallif hayotidan, ayniqsa, o'rganiladigan asari bilan bog'lab olingan lavha; ijodiy qiyofasi, sermazmun tavsif etilgan maqola; adibning butun hayot va ijod yo'li haqidagi keng xabar ko'rinishida taqdim etilishi mumkin.
O'zbek adabiyoti darslarida bunday keng materiallardan to'liq foydalanish imkoni yo'q, albatta. Bu materillardan kichik parchalar olish to'g'risida fikr yuritish
o'rinli bo'ladi. Umuman olganda, yozuvchi o'zi tomonidan aytilgan fikr va jumlalardan foydalanish, o'quvchiga o'rganilayotgan yozuvchining yashab ijod etgan davri bilan yaqindan tanishishga imkon yaratadi. Asarning yaratilish tarixi bilan mufassal tanishish, o'quvchilarni tarixiy sharoitga olib kirish davrdagi ijtimoiy vaziyatni ko'rsatish, yozuvchi tanlagan pozitsiyaga e'tiborini qaratish imkonini beradi4.
N. Mallayev, G'.K.Karimov, S.Ismatov tomonidan 1982-yilda nashr etilgan 8-sinflar uchun mo'ljallangan darslikda Muqimiy hayoti va ijodi haqida quyidagilarga guvoh bo'lamiz. Muqimiy demokratik adabiyotning eng yirik vakillaridan biri ekanligi, hajvchilik oqimining boshida turganligi, kambag'al hunarmand- novvoy oilasida tug'ilganligi haqida ma'lumotlar keltirilgan. Muqimiy 1876 yillarda Buxorodan Qo'qonga qaytdi. Lekin Qo'qonning hukmron doiralari madrasa ta'limini tugallab kelgan shoirni ochiq chehra bilan kutib olmadi, uni durustroq bir lavozimga taklif qilmadi. Natijada Muqimiy oilaviy sharoit taqozosi bilan Qo'qon yer qurilishi mahkamasida mirzolik (kotiblik) vazifasida xizmat qilishga majbur bo'lgan. Muqimiyning Qo'qon yer qurilishi mahkamasidagi xizmati uning hayotida chuqur iz qoldirdi. Mahkama amaldorlari tanobchilar yig' im- terimdan oldin dehqonlar yerini o'lchagani, ya'ni tanob qilgani qishloqlarga chiqar va shunga qarab dehqonlarga yer solig'i solar edi. Muqimiy ham mahkama mirzosi sifatida tanobchilar bilan birga bo'lar va qishloqlarda ro'y bergan voqealarni o'z ko'zi bilan ko'rar edi. Ma'lumki, shu hayotiy kuzatishlari va taassurotlari asosida Muqimiy o'zining mashhur "Tanobchilar" asarini yaratdi. Oradan ko'p vaqt o'tmay, Muqimiy tanobchi amaldorlar bilan hamkorlik qilishni tark etib, ishdan bo'shadi.1877-yillar atrofida Muqimiy Qo'qonning g'arbi-shimolida Sirdaryo yoqasidagi Oqjar paromida pattachilik vazifasiga ishga kiradi. Shoir bu yerda ham xalq hayotini kuzatib "Oqjar odamlari haqida muxammas" asarini yaratgan edi. Lekin shoirni tanobchilarning nojo'ya kirdikori qanchalik bedirgan bo'lsa, Oqjar paromidagi xo'jayinlarning xalqqa zo'ravonlik bilan o'tkazgan haqsizliklari ham shunchalik iztirobga solar edi.
Muqimiy bilan reaksion guruhlar o'rtasida davom etgan bunday keskin kurashdan Muqimiyning "Axtaring" sarlavhali she'ri guvohlik beradi: Podshoh yo'qlatsalar nogah, gado deb axtaring Tutmang hargiz nomimi, baxti qaro, deb axtaring.
Haqiqatdan ham Muqimiy yashagan davr murakkab edi.
4 Bitiruv malakaviy ish. Saydullayeva Muazzamxon. " Yozuvchi hayoti va ijodini o'rganishda savol va topshiriqlarning o'rni" T. 2018
Ana shunday murakkab davr Markaziy Osiyo, shu jumladan Chor Rossiyasining mustamlakasiga aylantirilgan sharoitda qalam tebratgan. Muqimiy oddiy xalq ichidan chiqqan va butun kuch-qudratini shu xalq uchun baxsh etgan shoir hisoblanadi. Ayni paytda, rus istilosi tufayli ijtimoiy hayotda kechayotgan o'zgarishlarni adabiyotga olib kirib, uning yangilanishida o'zining munosib hissasini qo'shdi. Uning she'rlari hayotlik davridayoq Turkistonning turli shaharlariga yoyilgan, shoirlar ularga muxammaslar bog'lar, xonandalar qo'shiq qilib aytar edilar. Muqimiy milliy ozodlik harakati haqida she'rlar yozgan, o'z salohiyati va mavqeyi bilan maktab yaratgan alloma edi5. U ezilgan mehnatkash omma, bechora kosib-u hunarmandlar va xonavayron qishloq dehqonlarining otashin kuychisi bo'lib maydonga chiqdi. Mustamlaka tuzimidagi adolatsizlik va zo'ravonlikni, joriy tartib-qoidalarini, xalqona uslubda qoraladi. Uning asarlarida insoniy ishq-muhabbat ulug'landi.
Shoir ularning hayotini, dard-u tashvishini, orzu-intilishlarini realistik bo'yoqlarda yuksak badiiylik bilan ifodaladi. Har qanday ilg'or adabiyotning eng muhim xususiyatlaridan biri xalqchillikdir6. Demokratik adabiyot XIX asrning ikkinchi yarmidagi yangi tarixiy sharoit zaminida qad ko'tardi va o'sha davr hayotini o'zida aks ettirdi.
Demokratik adabiyot o'z davrining ilg'or adabiyotidir, chunki u turmushga munosabat masalasida birinchi o'rinda hayot haqiqatini bo'yab emas, ro'y-rost tasvir etishga kirishdi. Muqimiy ijodi ham hayot haqiqatiga suyanib yozilganligi bilan ahamiyatlidir. Uning ijodi bilan jahon adabiyotshunosligida "Devon adabiyoti" deb nomlanadigan sharq adabiyotidagi eng yaxshi an'analarni davom ettirdi. Ayni paytda rus istilosi tufayli ijtimoiy hayotda kechayotgan o'zgarishlarni adabiyotga olib kirib, uning yangilanishida munosib hissasini qo'shdi. Muqimiy shoirlar orasida o'zining zo'r iste'dodi, o'ziga xos uslubi bilan ajralib turadi.
Muqimiy ijodini o'rganish uning hayotlik chog'idan boshlangan. She'rlariga bildirilgan turli-tuman munosabatlar haqidagi bahslar, maqolalar bunga dalil bo'ladi. Shoir vafotidan to'rt yil keyin uning devoni "Devoni Muqimiy" nomi bilan ilk bor 1907-yilda Muqimiy Nikolay Ostroumov tomonidan nashr etilgan7. Unda shoirning she'riy asarlari bilan birga tarjimayi holi va ijodi haqida qisqacha ma'lumot ham berilgan.1910-yili Portsev litografiyasida "Devoni Muqimiy maa hajviyot" nomi bilan shoir asarlarining ikkinchi nashri amalga oshirildi. Shoir ijodini jiddiy va keng ko'lamda o'rganish o'tgan asrning 30-yillaridan boshlandi. Bu davrda Muqimiy
5 Bu haqda qarang: Til va adabiyot ta'limi jurnali,2015-yil,9-son,O.Karimov.Muqumiy ijodi klaster tahlilda.20-bet
6 O'sha adabiyot
7 N. Karimov, B .Nazorov, U, Narmatov , Q. Yo'ldashev. Adabiyot darslik. Toshkent 2004-yil.
205
asarlarini to'plash, o'rganish, nashr etish qizg'in va samarali olib borildi. Gazeta va jurnallarda qator maqolalar e'lon qilindi. Bu xayrli ishning boshida buyuk shoir G'afur G'ulom turdi.Uning tashabbusi bilan 1938-yil "Muqimiy bayozi" tuzilib nashr etildi. "Bayoz"da shoirning 800 misradan iborat 27 ta she'ri berilgan bo'lib, ular janr xususiyatiga qarab joylashtirilgan (Satira-yumor, lirika) va ularga zaruriy izohlar, lug'atlar berilgan.1950-yil shoir asarlari "Lirika i satira" nomi bilan Moskvada rus tilida bosildi.1953 yil Muqimiy vafotining 50 yilligi munosabati bilan u haqda bir qator tadqiqotlar yaratilib, Muqimiyshunoslikka asos solindi. H.Yoqubovning "O'zbek shoiri Muqimiy', A.Olimjonovning "Muhammad Amin Muqimiy", H. Zaripovning " Muhammad Amin Muqimiy", H.Razzoqovning " Muqimiy va Zavqiy" nomli kitoblari hamda " Furqat va Muqimiy"nomli maqolalar to'plami nashr etilgan.
Shoir ijodi namunalari yuzasidan ko'plab tadqiqotlar amalga oshirilgan. Afsuski, ularda Muqimiy asarlari sho'ro davri mafkurasi talabiga ko'ra bir tomonlama talqin qilingan. Natijada, shoir nazmiy merosi o'zining asosiy mohiyatidan uzoqlashtirildi. Ya'ni asarlari tahrirga uchradi, qisqartirildi, manbalarda qolib ketdi. Muqimiy asarlari turli qo'lyozma va toshbosma bayozlarda, san'atkorlarning yon daftarlarida, adabiyot havaskorlari kolleksiyalarida, ayrim parcha qog'ozlarda turli kishilar qo'lida saqlanib kelingan.Ta'kidlash joizki, shoir asarlarini yig'ish va nashr etish professor G'.Karimov tomonidan " Asarlar to'plami" jami to'rt marta (1958,1960,1973,1974) chop etilgan. Afsuski, bu nashrlarda Muqimiy ijodi kommunistik mafkuraning kuchli tazyiqi sabab to'liq va mukammal holda nashr etilgan emas8.
Muqimiy adabiy merosi qo'lyozmalari yuzasidan A.Shokirov tomonidan ilmiy izlanishlar olib borildi. Ayniqsa, shoir asarlarining sovet davridagi eng so'nggi nashriga [ Karimov 1974] kiritilmagan ayrim she'rlar keng jamoatchilik e'tiboriga havola qilindi.
Ilmiy izlanishlar natijasida shoir ijodi sho'ro davri mafkurasiga ko'ra quyidagi jihatlari ataylab buzib ko'rsatilgan:
birinchi, shoirning diniy- tasavvufiy ruhdagi aksariyat she'riy asarlari nashr etilmay qolgan;
ikkinchidan, Muqimiyni boy, savdogar, qozilarga qarshi qilib ko'rsatish tadqiqotlar uchun ustuvor vazifa etib belgilangan;
uchinchidan, Muqimiyning "Saroy adabiyoti" va an'analariga bo'lgan munosabati noto'g'ri talqin qilinib, ulardan sinfiy kurash alomatlari izlangan.
8 Q. Pardayev. Oltin bitiglar. 2019 Vol.1. www.navoiy-uni .uz. 23-bet
206
Shoirning turli janrlardagi lirik she'rlari singari "Dorig'o mulkimiz", "Hajviy Bekturboy", "Dar mardumi oqjar batariqi muxammas", "Dar mazammati zamona", "Ho'qandlik bir boyning sha'niga Muqimiy shoirning aytkon she'ridur", "Sayohatnoma","Dar mazammati qurbaqa" kabi ko'plab ijtimoiy-siyosiy mavzulardagi hajviy asarlari tahrir qilinib, qisqarishlar bilan nashr etilishi buning isbotidir. Jumladan, muxammas janridagi "Dorig'o mulkimiz" sarlavhali she'r Muqimiy asarlar to'plamida 6 band, asliyatda esa 8 band. Ikki band ataylab tushirib qoldirilgan. Bundan tashqari, muxammasning deyarli barcha bandlaridagi misralar tahrirga uchragan. Shundan so'ng joriy nashrga kiritilgan9. Natijada shoirning chor mustamlakachilariga bo'lgan tanqidiy qarashi, umuman, shoir ruhiy olami yashirilgan. Xuddi shunday holni muxammasning birinchi bandidagi misralarda ko'ramiz: Joriy nashrlarda:
Dorig'o mulkimizning sohibi ahli sharor o'lmish, Shariat hukmi qozilar qo'lida purg'ubor o'lmish, Ba joyi amri ma'ruf kori munkar oshkor o'lmish, Hakim-u, olim-u,sohib fasohat xor-u zor o'lmish, Bu kunda kimki imonin sotar, ul e'tibor o'lmish. Asliyatda esa[ Madaminov 1997, 34]:
Dorig'o, dini islom hokimi ahli kuffor o'lmish, Shariat ko'zgusikim kufr gardidin g'ubor o'lmish, Ba joyi amri ma'ruf nahyi munkar oshkor o'lmish, Sayid, sodotlar behurmat-u, ko'p xor-u zor o'lmish, Bu kunda kimki imonin sotibdur, e'tibor o'lmish. Misralarni solishtirib ko'rilganda ko'rinadiki, she'r butunlay teskari tahlil qilingan. Natijada, shoirning tanqidi mustamlakachilarga emas, din peshvolariga, qozi-yu boylarga qaratilgan bo'lib qolgan. Aslini olganda shoirning maqsadi bunday emasligi oydinlashadi. Bu misralarda shoir "Shariat ko'zgusikim kufr gardidin g'ubor o'lmish"-deya sayidlar behurmat ekanligidan iztirob chekadi. Dinimiz, shariatimizning mustamlakachilar tomonidan poymol etilishi, oqibatda xalqning tobora shariatdan uzoqlasha borishi, umuman, millatning shunday ayanchli ahvolga, mustamlaka girdobiga tushib qolgani uning haqli e'tiroziga sabab bo'ladi. Zamonning ayanchli ahvolga tushib qolganini, nodon kimsalar hurmatda va izzatda-yu, ilm ahlining xor-u zor bo'lishi, ularda zarracha izzat yo'qligi kuyunchaklik bilan tilga olinadi: "Hazor afsuskim, ilm ahlida bir zarra izzat yo'q" deb boshlanuvchi she'rida o'z ifodasini topgan. Shoir ijodida shunga o'xshash mavzudagi she'rlarni
9 Q.Pardayev. Oltin bitiglar. 2019 Vol. 1.www.navoiy-uni.uz.25-bet
207
ko'plab uchratamiz, jumladan yana bir she'rida: Zamona ahlining bir firqasig'a hayf insonliq deya taassuf qiladi. Jamiyatda fisq-u fasod ishlarning ko'payib ketishini g'ayridin kishilar kofirlar aralashuvida deb biladi. Natijada xalqning ma'naviy buzilishi, e'tiqodsizlik, axloqsizlik, ichkilikbozlik avj olganligi ta'kidlanadi.
XULOSA.
Ta'kidlash joizki, Muqimiy ijodi XX asrda keng miqiyosda o'rganilgan, u haqda kitoblar, to'plamlar, shoirning devonlari va bayozlar nashr qilingan bo'lsa-da, mustaqillikka qadar bir taraflama, faqat sobiq sovet hokimiyati manfaati ko'zlangan holda o'rganildi. Uning diniy, tasavvufiy mazmundagi asarlari o'rganilmadi. Tadqiqot doirasiga tortilganlari ham mazmuni buzilgan holda xalqqa taqdim etildi.
ADABIYOTLAR RO'YXATI (REFERENCES)
1. Qayumov A., "G'oziy" , T. 1959-yil,24-bet
2. arboblar.uz. Tarjimaiy hol
3. Saydullayeva Muazzamxon. Bitiruv malakaviy ish. " Yozuvchi hayoti va ijodini o'rganishda savol va topshiriqlarning o'rni" T. 2018
4. Til va adabiyot ta'limi jurnali, 2015-yil,9-son
5. O.Karimov. Muqimiy ijodi klaster tahlilda
6. N. Karimov, B .Nazorov, U, Narmatov , Q. Yo'ldashev. Adabiyot darslik. Toshkent 2004-yil
7. Q. Pardayev. Oltin bitiglar. 2019 Vol.1. www.navoiy-uni .uz. 23-bet
8. Po'latov, Sh.N., Hindistonda pedagogik ta'limning rivojlanish bosqichlari. //"SCIENCE AND EDUCATION" Scientific journal Volume 1, Special issue 2020 21-27 P.
9. Jurayev SH.S., Abu Ali ibn Sinoning falsafiy qarashlarida baxt-saodat masalasi // Academic Research in Educational Sciences, 2 (Special Issue 1), 395-401 P.
10.Sulaymonov, J. Abdurahmon ibn Xaldunning tamaddun taraqqiyoti haqidagi qarashlarida jamiyat tahlili/Academic Research in Educational Sciences, Vol. 2 Special Issue 1, 2021. 451-455 R.
11.Sulaymonov, J.Karimov N.Contribution of Abu Isa Tirmidhi to the Science of Hadith //International Journal of Innovative Technology and Exploring Engineering (IJITEE) ISSN: 2278-3075, Volume-9 Issue-1, November, 2019. P. 593-599.
