CC BY
12Rashidov Rustam Rasulovich1
YANGI O'ZBEKISTON MILLIY ARMIYASI: ZAMONAVIY YONDASHUV ASOSIDAGI O'ZGARISH VA
YANGILANISHLAR
НАТСИОНАЛНАЯ АРМИЯ НОВОГО УЗБЕКИСТАНА: ИЗМЕНЕНИЯ И ОБНОВЛЕНИЯ НА ОСНОВЕ СОВРЕМЕННОГО
ПОДХОДА
THE NATIONAL ARMY OF NEW UZBEKISTAN: CHANGES AND UPDATES BASED ON A MODERN APPROACH
1 Сиёсий фанлар буйича фалсафа доктори (PhD), доцент, ALFRAGANUS UNIVERSITY, Тошкент, Узбекистан. e-mail: [email protected]. ORCID: 0000-0002-4683-8090
Annotatsiya. Mamlakatimizda so'nggi yillarda Yangi O'zbеkistonni Ьагро etish bo'yicha и1кап ishlar amalga oshirilmoqda. Ushbu jarayonda O'zbеkiston Rеspublikasining suvеrеnitеti, mam1akatimiz sarhad1arining dax1siz1igi, xa1qimizning tinch1igi va osoyishta1igi, jamiyatimizning barqaror taraqqiyoti yo'1ida o'ziga xos qa1qon bo'1uvchi Quro11i KucЫarimiz, shu jum1adan mi11iy armiyamizning o'z о'ГШ va ro1i ЬОГ.
Quro11i Kuch1arimizni hozirgi zamon ta1ab1aгi asosida yangi1ash va modеrnizatsiya qi1ish, uni profеssiona1 aгmiya daгajasiga o1ib chiqish, Ьи borada yetakchi tajriba1ami tеgisЫi tartibda o'rganish va armiyamizga tatbiq etish asnosida Vatani va xa1qiga sodiq, o'z burchi va qasamiga sadoqat1i, zamonaviy va ixcham, mobi1 va profеssiona1, yuksak jangovar1ik va ma'naviy yetuk1ik xis1at1ariga ega mi11iy armiyamizni shak11antirish dav1atimiz va hukumatimizning doimiy e'tiboridagi masa1a bo'1ib kе1moqda. Ви borada kеyingi yi11arda ama1ga oshiri1gan isЫar va erishi1gan yutuq1aгni taЫi1 etish barobarida ha1i o1dimizda Ш^П bir qator do1zaгb vazifa1arni bajari1ishi yuzasidan tеgish1i chora-tadbir1arni bе1gi1ab o1ish ham muhim ahamiyatga ega.
Quro11i Kuch1arimiz, shu jum1adan mi11iy armiyamiz fao1iyatini i1miy nuqtai nazaгdan o'rganish, i1g'or ХОГЦ tajribasini tеgish1i tartibda tatbiq etish hamda mi11iy armiyamiz fao1iyatini takomШashtirishga doir tak1if va tavsiya1arni i1gaгi surish kеng jamoatchi1ik, shu jum1adan i1miy doira vaki11ari o1dida turgan sharafli ish1ardan Ып bo'1ishi 1ozim.
Kalit so'zlar: Yangi O'zbеkiston, Quro11i Kuch1ar, mi11iy armiya, "Xa1q va aгmiya -Ыг tanu bir jondir", huquqiy asos, Xavfsiz1ik Kеngashining kеngaytiri1gan yig'i1ish1ari, O'zbеkiston Rеspub1ikasi mudofaasini boshqarish mi11iy markazi, Xa1qaгo aгmiya o'yin1aгi.
Аннотатсия. За последние годы в нашей стране проведена болшая работа по строителству Нового Узбекистана. В этом протсессе свое место и рол имеют наши Вооруженные Силы, в том числе наша натсионалная армия, которые являются мощным щитом суверенитета Республики Узбекистан, гарантом нерушимости гранис нашей страны, мира и спокойствия нашего народа, устойчивого развития нашего общества.
Исходя из требований современности, в протсессе обновления и модернизатсии наших Вооруженных Сил, доведения их до уровня профессионалной армии, изучения передового опыта в этом отношении и применения их в нашей армии, огромная работа осуществляется по формированию современной и компактной, мобилной и профессионалной армии, верной Родине и своему народу, а также своему долгу и присяге, обладающей боевыми качествами и моралной зрелостю, была предметом постоянного внимания нашего государства и правителства. В связи с этим, представляется важным проведения анализа проделанной работы и достигнутых достижений в последние годы, а также определения соответствующих мер по реализатсии ряда актуалных задач, которые еще впереди.Одной из почетных задач перед широкой общественностю, включая представителей научного сообщества должно стат изучение деятелности наших Вооруженных Сил и натсионалной армии, с научной точки зрения, в том числе соответствующее применение передового зарубежного опыта, выдвижение предложений и рекомендатсий по совершенствованию деятелности нашей армии и обороноспособности нашей страны.
Ключевые слова: Новый Узбекистан, Вооруженные Силы, национальная армия, «Народ и амрия - едины», правовая база, разширные зеседания Совета Безопасности, центр управления национальной обороны Республики Узбекистан, Армейские международные игры.
Annotation. In recent years, a lot of work has been done in our country to build a New Uzbekistan. In this process, our Armed Forces, including our national army have also their place and role, which are a powerful shield of the sovereignty of the Republic of Uzbekistan, a guarantor of the inviolability of the borders of our country, the peace and tranquility of our people, and the sustainable development of our society.
Based on the requirements of our time, in the process of updating and modernizing our Armed Forces, bringing them to the level of a professional army, studying best practices in this regard and applying them in our army, a huge amount of work is being done to form a modern and compact, mobile and professional army, loyal to the Motherland and to his people, as well as to his duty and oath, possessing fighting qualities and moral maturity, was the subject of constant attention of our state and government. In this regard, it seems important to analyze the work done and the achievements achieved in recent years, as well as to determine appropriate measures to implement a number of urgent tasks that are still ahead.
One of the honorable tasks before the general public, including representatives of the scientific community, should be to study the activities of our Armed Forces and national army, from a scientific point of view, including the appropriate application of advanced foreign experience, putting forward proposals and recommendations for improving the activities of our army and the defense capability of our country.
Key words: New Uzbekistan, Armed Forces, National army, "The People and the Army are united", Legal Framework, Expanded Meetings of the Security Council, National Defense Management Center of the Republic of Uzbekistan, International Army Games.
KIRISH
O'zbekistonda amalga oshirilayotgan ulkan o'zgarishlar va yangilanishlar barcha sohalarda bo'lgani kabi Vatanimiz qalqoni bo'lmish Qurolli Kuchlarimiz, shu jumladan milliy armiyamizda ham keng qamrovda va shiddatli tarzda olib borilmoqda, desak aslo mubolag'a bo'lmaydi. Xususan, so'nggi 7 yil davomida mamlakatimiz mudofaa tizimi faoliyatini takomillashtirish, armiyamizning jangovar salohiyatini oshirish bo'yicha juda katta ishlar qilindi. O'zbekiston Respublikasi Qurolli Kuchlarining boshqaruv tizimi deyarli yangidan barpo etildi, shu bilan birga harbiy-ma'muriy sektorlar tuzildi. Armiyamizdagi qo'shin turlari o'rtasida o'zaro muvofiqlashtirilgan holda harakatlar olib borish hamda hamkorlikni ta'minlash bo'yicha ta'sirchan mexanizmlar yo'lga qo'yildi, shuningdek Qurolli Kuchlarimizda eng murakkab vazifalarni ham tezkorlik bilan bajarishga qodir bo'lgan bo'linmalar tashkil etildi. Qo'shinlarning jangovar hamda ruhiy tayyorgarlik darajasi anchagina o'sdi va uni muttasil oshirib borish bo'yicha doimiy ish olib borilmoqda.
Keyingi yillarda "Xalq va armiya - bir tanu bir jondir" degan ezgu tamoyil asosida ulkan ishlar amalga oshirilayotganligi, bugungi kunda fuqarolarimiz armiyaning har tomonlama yordami va ko'magini hayotning barcha sohalarida amalda his etayotganliklarini sohada amalga oshirilib kelinayotgan ulkan ishlarning samarasi sifatida talqin etish mumkin.
METODOLOGIYA
Maqolada mantiqiylik, tizimlilik, o'zaro aloqadorlik, tarixiylik tamoyillaridan foydalanilgan holda, kontent tahlil, tizimli tahlil, qiyosiy tahlil, umumlashtirish, indkutsiya va deduksiya, ekstrapolyatsiya usullaridan foydalanilgan.
NATIJALAR
Mamlakatimiz Qurolli Kuchlari o'z faoliyatini to'laqonli tarzda olib borishi uchun avvalo uning huquqiy asosi ham pishiq va puxta qilib yaratilgan bo'lishi lozim. 2023 yil 30 aprelida bo'lib o'tgan umumxalq referendumi asosida qabul qilingan Yangi O'zbekiston Konstitutsiyasi Qurolli Kuchlarimiz faoliyatining huquqiy asosini yanada mustahkamladi, desak hech mubolag'a bo'lmaydi. Yangilangan Konstitutsiyamizning 27-bobi Mudofaa va xavfsizlik masalalariga bag'ishlangan bo'lib, uning 152- va 153-moddalarida O'zbekiston Respublikasi Qurolli Kuchlari mamlakatimizning davlat suverenitetini va hududiy yaxlitligini, aholining tinch hayoti va xavfsizligini himoya qilish uchun tuzilishi, O'zbekiston Respublikasi o'z xavfsizligini ta'minlash uchun yetarli darajada Qurolli Kuchlariga egaligi hamda Qurolli Kuchlarning tuzilishi va ularni tashkil etish qonun bilan belgilanishi bayon etilgan [1].
Shundan kelib chiqqan holda mamlakatimiz mudofaa salohiyatini yanada mustahkamlash va Qurolli Kuchlarimiz qudratini oshirish Yangi O'zbekistonning Taraqqiyot strategiyasi [2] hamda O'zbekiston - 2030 strategiyasida [3] ustuvor yo'nalishlardan biri sifatida belgilab olindi. Ushbu vazifalarni amalga oshirishda Qurolli Kuchlarimiz qo'mondonlik tarkibi joylardagi hokimiyat idoralari va xalqimiz bilan birgalikda bir tanu bir jon bo'lib harakat qilayotgani e'tiborga molik. Bu borada amalga oshirilgan ishlardan biri sifatida mamlakatimiz mudofaa salohiyatini oshirishda davlat va jamoat tuzilmalarining o'zaro muvofiqlashtirilgan holda faoliyat olib borishining yo'lga qo'yilganligi, armiyamiz qudratini oshirish faqat davlatimiz va Qurolli Kuchlarimizning vazifasi emas, balki butun jamoatchiligimizning mas'uliyatli vazifasi ekanligi tobora ayon bo'lib bormoqda. Bu borada belgilab olingan vazifalarni amalga oshirishda Qurolli Kuchlarimiz qo'mondonlik tarkibi joylardagi mahalliy hokimiyat idoralari va keng jamoatchilik bilan birgalikda bir tanu bir jon bo'lib harakat qilayotganini e'tirof etishimiz zarur.
Mamlakatimiz Qurolli Kuchlari tizimida so'nggi yillar mobaynida an'anaga aylangan bir voqelikni alohida ta'kidlab ko'rsatmoqchimiz. U ham bo'lsa, har yili Vatan himoyachilari kuni arafasida O'zbekiston Respublikasi Prezidenti Sh.Mirziyoyev raisligida Xavfsizlik Kengashining kengaytirilgan yig'ilishi o'tkazilib kelinmoqda va unda sohada bajarilgan ishlar muhokama qilinmoqda, shuningdek navbatdagi muhim vazifalar belgilab olinmoqda. Bundan ham ko'rinadiki, davlatimiz rahbari tomonidan Qurolli Kuchlarimiz, shu jumladan armiyamiz faoliyatiga doimiy e'tibor qaratib kelinmoqda.
"Harbiy okruglarga, harbiy-ma'muriy sektorlarga men qo'ygan eng katta vazifa - xalq bilan armiya birligini ta'minlash, inson qadrini ulug'lash haqida bo'ldi. Bunda sizlar yetakchi, har bir harakatingiz bilan yoshlarga namuna bo'lasiz, deb ishonaman", - degan edi davlatimiz rahbari [4]. Muhtaram Prezidentimizning ushbu so'zlaridan ham inson qadrini ulug'lash tamoyili Qurolli Kuchlarimiz tizimida ham namoyon bo'layotganligi, harbiy xizmatchilar uchun munosib xizmat va yashash sharoitlari yaratilayotganligini anglash mumkin. Bu borada amalga oshirilgan amaliy ishlar sirasiga so'nggi 7 yilda 10 mingdan ortiq harbiy xizmatchilar imtiyozli kreditlar asosida uy-joy bilan ta'minlanganligini hamda harbiy xizmatchilar xizmat muddatini o'tab bo'lganidan keyin ish va tibbiy xizmatlar bilan ta'minlanishi ham doimiy e'tiborda bo'lib kelayotganligini alohida qayd etib o'tish joizdir.
Ta'kidlash joizki, oxirgi yetti yilda harbiy qurilishning barcha yo'nalishlarida amalga oshirilgan kompleks chora-tadbirlar natijasida milliy armiyamizning qiyofasi ham, qo'shinlarning tayyorgarlik darajasi ham o'zgardi. Harbiy qism va poligonlardagi infratuzilma, askar va ofitserlarning sharoitlari yaxshilandi. Bunday ishlar butun Qurolli Kuchlarimiz tizimida izchil davom ettirilib, jangovar bo'linmalar imkoniyatlari kengaytirilmoqda, shu bilan birga davlat chegaralari xavfsizligini ta'minlashning yangi tizimi ham amaliyotga joriy qilinmoqda.
Ma'lumki, zamonaviy bosqichda har qanday tuzilma va tashkilot moddiy jihatdan yetarli darajada ta'minlangan bo'lsa-da, ammo unda samarali boshqaruv mexanizmlari joriy etilmagan bo'lsa, mazkur tuzilmaning faoliyati muvaffaqiyat keltirmaydi. Mamlakatimiz Qurolli Kuchlari tizimida ham ushbu zamonaviy yondashuvdan kelib chiqqan holda, 2022 yil yanvarida O'zbekiston Respublikasi mudofaasini boshqarish milliy markazi ish boshlaganligini alohida ta'kidlab o'tish lozim. Mudofaa vazirligida barpo etilgan ushbu markazning O'zbekiston Respublikasi Qurolli Kuchlari tashkil etilganining 30 yilligi arafasida ishga tushirilgani Vatanimiz himoyachilariga chin ma'noda bayram tuhfasi bo'ldi. Qo'shinlar boshqaruvining eng zamonaviy shakllarini mujassam etgan, barcha kuch tuzilmalari faoliyatini muvofiqlashtirib borishga ixtisoslashgan mazkur majmua yuqori texnologik imkoniyatlari bilan yurtimiz havo sarhadlarini, o'quv muassasalari va poligonlardagi mashg'ulotlar jarayonini real vaqtda kuzatish, bo'linmalarning harakatini uzluksiz aloqa tizimlari orqali nazorat qilishni ta'minlaydi. Shuningdek, Mudofaani boshqarish milliy markazida sohada amalga oshirilayotgan islohotlar, bunda harbiy-ma'muriy sektorlarning ishtiroki, qo'shinlarning kundalik va jangovar faoliyati bo'yicha ma'lumotlar to'planib, tizimli monitoring olib boriladi.
Har bir sohaning taraqqiyoti va kelajagi avvalo, ushbu sohada mavjud bilim va ko'nikma hamda tajribaning to'planishi va undan so'ngra esa, ularni yosh avlodga yetkazilishi hamda ularda tegishli ko'nikmalarning hosil qilinishi bilan belgilanishi ayni haqiqatdir. Mamlakatimiz Qurolli Kuchlari tizimida ham bu borada olib borilayotgan ishlarga e'tibor qaratar ekanmiz, bir qator yangilanishlar ko'zga tashlanadi. Jumladan, O'zbekiston Respublikasi Qurolli Kuchlari Akademiyasining yangidan tashkil etilishi, shu bilan birga yangi tashkil etilgan Harbiy Aloqa instituti, Harbiy-tibbiyot akademiyasi, "Temurbeklar maktabi" harbiy-akademik litseylari va boshqa ixtisoslashtirilgan o'quv yurtlari bugungi kunda Vatanimiz tayanchi bo'lgan yosh avlodni munosib tarzda professional kadrlar qilib tayyorlashning o'ziga xos maskanlariga aylanib bormoqda. Mamlakatimiz yoshlari o'rtasida harbiy xizmatga qiziqish va intilish kuchaymoqda.
Shu o'rinda O'zbekiston Respublikasi Qurolli Kuchlari Oliy Bosh Qo'mondoni Sh.Mirziyoyevning "Harbiy ilmsiz harbiy bilim bo'lmaydi", degan purma'no so'zlaridan kelib chiqib ta'kidlash joizki, ushbu so'zlardan kelgusida milliy armiyamizning ham jangovar, ham ma'nan yetuk bo'lib shakllanishi uchun avvalo, harbiy ilmni rivojlantirish, so'ngra esa yetuk malakaga ega, ilmli mutaxassislar yosh kadrlarni tayyorlashda jonbozlik ko'rsatishlari lozimligini anglash mumkin. Bu borada, ayniqsa, harbiy xizmatchilar, shu jumladan, komandirlar tarkibining professional tayyorgarligini oshirish milliy armiyamizni yanada rivojlantirishning eng muhim sharti ekanligini inobatga olgan holda Qurolli Kuchlar Bosh shtabi hamda harbiy okruglar boshqaruv apparatlari ofitserlarini, brigada komandirlari va ularning o'rinbosarlarini o'qitish bo'yicha O'zbekiston Respublikasi Qurolli Kuchlari akademiyasida yangicha tizim yo'lga qo'yilganligini namuna sifatida alohida ko'rsatib o'tish joizdir. Unga ko'ra, soha uchun kadrlar tayyorlashda nazariya va amaliyotni imkon qadar yaqinlashtirishga alohida e'tibor qaratilmoqda [5].
Bugungi kunda milliy armiyamizning kuch-qudrati va salohiyati ortib bormoqda, harbiy xizmatchilarimiz esa o'zining yuksak kasbiy tayyorgarligi bilan alohida e'tibor va e'tirofga sazovor bo'lmoqda. Bir necha rivojlangan armiyalar ishtirokida bo'lib o'tayotgan Xalqaro armiya o'yinlarida harbiy xizmatchilarimizning munosib tarzdagi ishtiroki buning yaqqol
isbotidir. Jumladan, 2021 yilgi o'yinlarda O'zbekiston harbiylari 24 yo'nalish bo'yicha ishtirok etib, 4 ta oltin, 9 ta kumush va 4 ta bronza medallarini qo'lga kiritgan holda umumjamoa hisobida 2-o'rinni egallagan edi.
Shiddatli va murosasiz kechgan "ArMI - 2022" nomi bilan mashhur VIII Xalqaro armiya o'yinlarida ham O'zbekiston Mudofaa vazirligi jamoalari munosib ishtirok etdi hamda 7 ta oltin, 10 ta kumush va 5 ta bronza medalini qo'lga kiritib, umumjamoa hisobida faxrli 2-o'rinni egalladi. 34 ta yo'nalishni qamrab olgan mazkur musobaqalarda 37 ta davlatdan 257 ta jamoa o'zaro bellashdi. Xususan, mamlakatimiz hududida musobaqalarning 5 ta yo'nalishi bo'lib o'tdi [6].
Mazkur musobaqalar davomida vakillarimiz O'zbekiston armiyasining kuch-qudrati, harbiy xizmatchilarimizning jangovar shayligini, bir so'z bilan aytganda, o'z kasbining haqiqiy ustalari ekanini namoyon eta oldi. Musobaqalar davomida harbiylarimiz g'alabali yurishlari va rekord natijalari bilan yuksak e'tirofga sazovor bo'ldilar hamda bir necha bor mamlakatimiz bayrog'ining eng yuqoriga ko'tarilib, madhiyamiz takror va takror yangrashiga erishdilar.
Shuningdek, Buyuk Britaniyada dunyoning 90 dan ortiq mamlakat harbiylari ishtirokida o'tkazilgan nufuzli "Kembriya patruli" tanlovida harbiylarimiz 123 ta jamoa orasida faxrli birinchi o'rinni egallagani ham alohida maqtovga sazovor voqea bo'ldi.
MUNOZARA
Milliy armiyamizning bugungi jangovar shayligi va salohiyatini yanada oshirish, armiyamizni chin ma'noda zamonaviy armiyalar qatoriga olib chiqish yuzasidan amalga oshirilishi lozim bo'lgan bir qator vazifalar va chora-tadbirlar borki, ularni quyida keltirib o'tish maqsadga muvofiq bo'lar edi.
Birinchidan, malakali harbiy kadrlar tayyorlash, harbiy ta'limda ilg'or uslublarni ommalashtirish masalalari dolzarb bo'lib turibdi. Harbiy o'qituvchi va mutaxassislarlarning malakasini oshirish, Qurolli Kuchlar Akademiyasini yetakchi harbiy ilm-fan dargohiga aylantirish zaruriyati tobora namoyon bo'lib bormoqda. Shuningdek, Qurolli Kuchlar Akademiyasi negizida ish boshlagan Harbiy meros va zamonaviy tadqiqotlar instituti kelgusida harbiy ilmiy faoliyat olib borishning ilg'or markazlaridan biriga aylanmog'i lozim.
Ikkinchidan, Qurolli Kuchlarni zamonaviy qurol-yarog' hamda harbiy texnika bilan ta'minlash, mavjudlarini modernizatsiya qilish ham harbiy qurilish sohasidagi eng ustuvor vazifalardan biri bo'lib qoladi. Ushbu maqsadda Qurolli Kuchlarni yanada rivojlantirish bo'yicha konseptual dastur qabul qilish va uning asosida butun Qurolli Kuchlar tizimini modernizatsiya qilish masalasi ham ustuvor ahamiyat kasb etadi.
Uchinchidan, Qurolli Kuchlar Bosh shtabi faoliyatini ham sifat jihatdan yangi pog'onaga olib chiqish, shuningdek havo hujumidan mudofaa tizimiga ham zamonaviy tajribalarni tatbiq etish masalasi e'tiborga molik masalalardan biri bo'lib qolmoqda.
To'rtinchidan, jahon axborot makonida keskin kurash ketayotgan hozirgi vaziyatda axborot xavfsizligini ta'minlash, yoshlarni yot g'oyalardan himoya qilish, harbiy xizmatchilarning psixologik tayyorgarligi va jangovar ruhini mustahkamlash dolzarb masala bo'lib qolmoqda. Ayniqsa, yoshlarimizni harbiy-vatanparvarlik ruhida tarbiyalash, ularning ona yurtga mehri va sadoqatini oshirishga yanada ko'proq ahamiyat berish muhim vazifalarimizdan biri bo'lishi lozim.
Beshinchidan, Qurolli Kuchlarimiz, shu jumladan armiyamiz qo'mondonlik tarkibini zamonaviy operatsiyalarni mukammal rejalashtirish, qo'shinlarni oqilona boshqarish, mavjud kuch va vositalarni samarali qo'llash bo'yicha malakasini muttasil oshirib borish zarurligini ham ta'kidlab o'tmoqchimiz. Bu borada rahbarlik va qo'mondonlik lavozimlariga istiqbolli kadrlar
zaxirasini yaratish, ularni bu lavozimlarga bosqichma-bosqich tayyorlash hamda tanlov asosida tayinlash bo'yicha ham tizimli ish olib borish muhimligini qayd etib o'tmoqchimiz.
Oltinchidan, Qurolli Kuchlarimiz harbiy xizmatchilari va faxriylarini ijtimoiy hamda huquqiy jihatdan himoya qilish, ularni qo'llab-quvvatlashni kuchaytirishga doir ishlarni izchil davom ettirish lozim.
XULOSA
Istiqlol davrida O'zbekiston armiyasi juda murakkab va sharafli yo'lni bosib o'tdi. Yosh davlatimizning o'ta og'ir shakllanish yillarida aynan Qurolli Kuchlar mamlakatimiz mustaqilligi, xalqning tinch hayoti va farovonligini ta'minlash, demokratik islohotlarni muvaffaqiyatli amalga oshirishning ishonchli kafolati bo'lib xizmat qildi.
Keyingi yillarda amalga oshirilgan tub islohotlar tufayli tarixan qisqa davrda O'zbekiston Respublikasi suvereniteti va hududiy yaxlitligini, sarhadlarimiz daxlsizligini ishonchli himoya qilishga qodir bo'lgan, tezkor va ixcham milliy armiya tashkil etildi. Jaloliddin Manguberdi, Sohibqiron Amir Temur, Zahiriddin Muhammad Bobur kabi buyuk sarkarda bobolarimizning jangovar an'analari munosib davom ettirilmoqda.
Hozirgi kunda Qurolli Kuchlar tizimida amalga oshirilayotgan tub islohotlarda "Inson qadri uchun" degan muhim tamoyilning birinchi o'ringa qo'yilayotgani, yurtimizda harbiy xizmatning obro'-e'tibori yuksalayotganligidan dalolat bermoqda. Armiya va xalq birligi yangicha mazmunga ega bo'lib, yoshlar qalbida armiya bilan faxrlanish tuyg'usi, Vatan himoyachisidek olijanob kasbga hurmat-ehtirom hissini yanada oshib bormoqda.
Zamonaviy, professional Milliy armiyamiz qisqa muddat ichida munosib tarzda shakllandi. Hozirgi kunda xalqimiz haqiqiy, rivojlangan armiyamizga tayangan holda tinch-totuv yashamoqda. Qurolli Kuchlarimiz bor ekan, mustaqilligimizga, tinchligimizga qarshi qaratilgan har qanday tashqi xavflar, yovuz kuchlar va kimsalar o'zlarining mash'um niyatlariga hech qachon yeta olmaydi. Zero, mudofaa tizimida amalga oshirilayotgan islohotlardan ko'zlangan bosh maqsad mamlakatimiz xavfsizligi va xalqimiz tinchligini ta'minlashdir.
FOYDALANILGAN ADABIYOTLAR
1. O'zbekiston Respublikasi Konstitutsiyasi. - Toshkent: O'zbekiston NMIU, 2023. 80-b.
2. O'zbekiston Respublikasi Prezidentining 2022 yil 28 yanvardagi "2022 - 2026-yillarga mo'ljallangan Yangi O'zbekistonning Taraqqiyot strategiyasi to'g'risida"gi PF-60-son Farmoni. https://lex.uz/uz/docs/-5841063
3. O'zbekiston Respublikasi Prezidentining 2023 yil 11 sentyabrdagi "O'zbekiston - 2030 strategiyasi to'g'risida"gi PF-158-son Farmoni. https://lex.uz/uz/docs/-6600413
4. Mirziyoev Sh. Mard posbonlari bor xalqning ertangi kunga ishonchi mustahkam, g'urur-iftixori baland bo'ladi / O'zbekiston Respublikasi Qurolli Kuchlari tashkil etilganining 30 yilligi hamda Vatan himoyachilari kuni munosabati bilan harbiy xizmatchilar va huquqni muhofaza qilish organlarining bir guruh xodimlarini taqdirlash marosimidagi nutq. O'zbekiston Respublikasi Prezidentining rasmiy veb-sayti. 14.01.2022. https://president.uz/uz/lists/view/4919
5. Burhonov Q. Milliy armiyamiz - Yangi O'zbekistonning mustahkam qalqoni / "Xalq so'zi" gazetasi 2023-yil 5-yanvar, 2-son. - B. 1-2.
6. "ArMI-2022": O'zbekiston 7 ta oltin, 10 ta kumush va 5 ta bronza medalini qo'lga kiritdi. «Gazeta.uz» sayti. 28 avgust 2022. https://www.gazeta.uz/uz/2022/08/28/army-2022/
