CC BY
21
ВЕСТНИК УДМУРТСКОГО УНИВЕРСИТЕТА
13
ФИЛОЛОГИЧЕСКИЕ НАУКИ 2007. №5 (1)
УДК 8П.5П.13Г36 (045) Д.А. Ефремов
ТОДМЕТНИМЛЭН УЛЙ ТОДМЕТ СТЕПЕНЕЗ ТУАЛА УДМУРТ КЫЛЫН
В современном удмуртском языке у имени прилагательного, наряду со степенями сравнения, выделяется также грамматическая категория степеней качества, которая включает в себя три степени: позитив, модератив и интенсив. Позитив - выражение признака предмета (лица) в положительной форме. В модеративной степени выражается понижение, ослабление, неполнота качества предмета, обозначаемого прилагательным. Интенсив - высшая степень концентрации того или иного качества в предмете (лице), вне сравнения с подобным качеством других предметов (лиц). Модератив образуется в удмуртском языке посредством присоединения аффиксов -алэс (-ялэс), -мыт, -пыр(ъем), -гес (-гем) к основе прилагательного, причем каждый из этих формантов при выполнении своей функции может употребляться только с определенными лексико-семантическими группами прилагательных. Самую широкую возможность применения (с прилагательными, отражающими цветовые оттенки, вкусовые качества, пространственные отношения, физическое состояние, явления природы и др.) имеет суффикс -гес (-гем). У аффикса -пыр(ъем) же семантическая валентность проявляется в наименьшей степени - он может сочетаться только с прилагательными цветообозначения.
Ключевые слова: удмуртский язык, имя прилагательное, степени качества, модератив.
Удмурт кылын тодметнимлэн чошатон степеньёсыныз артэ висъясько на тодмет степеньёсыз. Прилагательнойлэн чошатон категорияз сямен ик та-тын но куинь степень висъяське: огшоры (позитив), улй (модератив) но вылй (интенсив). Но таяз учыре нокыче но чошатон сярысь вераськон уг мыны, арберилэн (муртлэн) тодметэз - мукет арбериослэн (муртъёслэн) тодметэ-нызы чошатытэк - яке лябоме, яке кужмоя.
Эскероно улй (модератив) степень возьматэ, арберилэн (муртлэн) тодметэз лябоме, тырмыт уг луы шуыса: Пумтэм адзисько Булгарын чужалэс-горд сюйлэсь лэсьтэм кувшинъёс, горшокъёс, тусьтыос [13. С. 35]. Катя жожмыт, мырдэм кылиськись куараен шуэ: «Усь уко, усь уко» [18. С.15]. Куддыръя со выллань кокырскем чужпыр тушсэ жутыса, волдэтэ учкыса малпа [18. С. 52].
Модератив степень порме, тодметним борды -алэс (-ялэс), -мыт, -пыр(ъем), -гес (-гем)1 кылйтэтъёс ватсаськыса. Удмурт кылэз эскерись тодосчиос вылй верам кылитэтъёсты кема дыр чоже кыл пормытйсь итэтъёс шуыса эскеро вал (учке: [16. С. 417-418; 8. С. 143 но о.а.]), малы ке шуоно, соослэн малпамзыя, таче итэт ватсаськыса, котьку ик кылдэ выль кыл: Зор шапыкъёс нюлэслэсь пеймыт борддорзэ пурысялэс векчиесь чуръёсын гожмало [16. С.18]. Зэм но, дасо аресъем пияш
1 -гес (-гем) итэтлэн валтйсь функциез компаративной луэ.
2007. №5 (1) ФИЛОЛОГИЧЕСКИЕ НАУКИ
сьддмыт чыж-горд чиязэ чектэ [15. С. 110]. Огнъылъдон аресъем со, валък-валък сынам гордпыр йырсиё [17. С. 58].
Но та эсэпланэн шуг соглаш луыны, малы ке шуоно таче кылйтэтьёс выль кыл уг пормыто, соос тодметнимен верам тодметэз кулэсто, ичиёмыто гинэ, мукет сямен вераса, каб (форма) кылдытйсь итэтьёс луо. Кылсярысь, пурысялэс, сьодмыт, гордпыр формаос выль кылъёс уг луо, соос «пурысь-лык», «сьодлык», «гордлык» тодметлэсь тырмыт луымтэзэ возьмато но пу-рысъ, съод, горд кылъёслэн одйгез кабзы луо.
Та ужпум эшшо но син шоры йотымонгес луэ, куке модеративной -алэс (-ялэс) кылйтэт ваче пумит пуктйське омонимичной кыл пормытйсь итэтлы: Лейтенантлэн кузялэс ымныраз лъолъ пужыос жуалскизы [20. С. 79]. Солэн ожытак чатрес нырыз, кузялэс ымыз пиналлэн кадъ мусо адзисъко [23. С. 58]. Таяз учыре -ялэс зэмзэ луэ кыл пормытйсь, малы ке шуоно кузялэс кыл уг возьматы кузъ кыллэсь тодметэзлэсь ичиёмемзэ, тырмыт луымтэзэ, со ни-мысьтыз выль пуштросо кыл луэ.
Тодметнимлэсь сыче ик модератив степеньзэ тодосчиос висьяло на трос портэм мукет, кылсярысь: коми [21. С. 170], бигер [22. С. 68], азербайджан [4. С. 51] но мукет кылъёсын. Вань озьы ик музон малпаньёс но, куке, кылсярысь, эрзя кылын -ла, -ра, -на (-ня), -не, -жа, -за, -ка итэтьёс нимысь-тыз «ограничительной» формаос кылдыто (но, озьы ке но, модератив степень сярысь тодослыко ужын вераськон уг мыны): чавола пря 'бушгес йыр', таштола руця 'вужгес халат' [9. С. 243]); яке финн кылын -hkA ~ -hkO итэт кыл пормытйсь шуыса эскериське [24. С. 87-89].
Улй тодмет степень пормытйсь итэтьёс вань тодметнимъёсын герзаськыны уг быгато, котькудйз соос полысь пуштросэзья тупась кыльёсын гинэ кутйське.
Тужгес но бадзым луонлыкьёсыз -алэс (-ялэс) кылйтэтлэн. Со кутйськыны быгатэ буёлэз, тусбуез, сиён-юонлэсь шомзэ, адямилэсь физической состоянизэ, арберилэсь кузьдалазэ, быдзалазэ, пасьталазэ но мукет тодметьёсты возьматйсь тодметнимъёсын: Шур вадъсын, возъ вылын, лосъясъке пурысялэс-тддьы бус [13. С. 92]. Нош милиционер борсъы пырисъ жужыт мугоро, тодъы халатъёсын кык егиталэс воргоронъёсты адзыса, уката абдраз [15. С. 131]. Огзэ шуэз ымаз пониз. Ческыт, чырсалэс [19. С. 6]. - Завкоме пырало шуисъко вал,- Алялэн куараяз жожалэс шом пычаз [3. С. 66]. ...зырдыт ымдуръёсыз шодо Филипплэсъ кезьы-талэс ымдуръёссэ [5. С. 5].
-мыт кылитэт, тодметлэсь тырмыт луымтэзэ возьматон понна, герзаськыны быгатэ буёлэз, арберилэсь пуштрос характеристиказэ, адямилэсь физической состоянизэ нимась тодметнимъёсын: Вордскем нуналам чукна султыкум ик, жок вылын одно ик льдльмыт, камай сясъкаос луозы вал [20. С. 110]. Табере татчы лыктэмъёслэсъ сюлэмъёссэс жожмыт мылкыд писыръяны кутске [6. С. 6]. Жальмыт тусын учкиз Трубицын Аля шоры [3. С. 40].
Самой ичи луонлыкъёсыз -пыр(ъем) кылйтэтлэн. Со буёлэз, тусбуез возьматйсь тодметнимъёс борды гинэ ватсаськыны быгатэ: Укноети пырисъ югыт Чужпыръем-тддьы волдэт бордысъ но, Чужпыръем-тддьы бордъёс бордысъ но пиштэ [10. С. 98]. Лызпыресь синъёсыз партаысъ партае "тэтчало" [5. С. 36].
Тодметнимлэн улй тодмет степенез туала... 15
ФИЛОЛОГИЧЕСКИЕ НАУКИ 2007. №5 (1)
-алэс (-ялэс), -мыт, -пыр(ъем) кылитэтъёсын пусъем тодметнимъёс туж чем пумисько, кушето кыллэн оглюкетэз луыса (сое адзыны луэ озьы ик вылй сётэм примеръёсъя но): Чужпыр-сьдд синъёсаз тылгизьыос кенжизы [19. С. 50]. Кыдёкын сылись нюлэс пеймыталэс-вожлуиз, вуизы сьод куакаос [26 С. 14]. Таче учыръёсы котьку сяменгес ик буёлэз возьматйсь тодметнимъёс модератив итэтэн пусъемынэсь луо, малы ке шуоно портэм-портэм пумо буёлъёсты ог дасо кылъёсын гинэ возьматыны уг луы, одно ик буёллэсь кыче ке но оттеноксэ пусйыны кулэлык кылдэ.
Модератив пуштросэн кутйськись -гес (-гем) итэтлэн самой бадзым луонлыкъёсыз. Та аффикс, вылй верам тодметъёсты нимась прилагательнойёсын сяна, трос мукет тодметнимъёсын но кутйське. Со сяна, инкуазь явлениосты но куд-ог музон тодметъёсты нимась прилагательнойёслэн модератив кабзы -гес (-гем) итэ-тэн гинэ пормыны быгатэ: Гуртпал бамалысь сезьы вожгес на... [21. С. 78]. Нош лябгес тазалыко пиос пумтэм вожъяськылизы... [25. С. 98]. Тутыгышлэн зазыресгес куараен черектэмез сайкатиз купецез но [13. С. 19]. Гурезь улти, лулпу но бадьпу арамаос полти, пичигес шур кошке [7. С. 17].
Куд-ог учыръёсы -гес (-гем) кылйтэтлэн тодметлэсь тырмыт луымтэзэ возьматон функциез семантической амалэн но кужмояны быгатэ - модератив кабын сылйсь тодметним ожыт(ак), гинэ, на кылъёсын чош кутйське: Ожыт губресгес, жужыт Миквор чильыменыз Герей шоры возьматиз [17. С. 11]. ...ачим но мозми вал та визьмо но лапеггес гинэ но буй-буй муго-ро нылашлэсь [14. С. 177]. Туж умой адями, но пиналгес на_ [11. С. 91].
Вылй верам модеративной кылйтэтъёс сяна, удмурт кылын тодметлэсь тырмымтэзэ возьматйсь лексикализованной (туж ожыт (одйг-кык) кылдйньёсын гинэ кутйськыны быгатйсь) итэтъёс но вань на: -кысъем, -ик, -ык, -ос, -льтык.: Кыче луоз картэд? Чебер-а, шотэм-а, егит-а, мойыгес-а, сьддкысъем-а, тодьы, оло нош, горд-а? [25. С. 117]. Бадзымос помидорез куртчыны Геня выре: та ла-сянь куртче - уг лу, со ласянь куртче - уг лу. [12. С. 33]. Одиг пол ана пумысь пичильтык выльвылэз гырыны кутски [1. С. 73].
Мукет кылъёсын но (удмуртэн чыжы-выжы луисьёсаз но, чыжы-выжы луисьтэмъёсаз но) улй тодмет степень пормытйсь итэтъёс вань тодметнимъ-ёсын кутйськыны уг быгато, нимысьтыз кылолык пуштросъя тупасьёсыныз гинэ герзаськыло. Тодосчиослэн эскеремзыя, сыче ик ужпум мордва [2. С. 80,81], финн [24. С. 87,88], бигер [22. С. 68] но мукет кылъёсын пумиське; озьы ке но, тросаз учыръёсы сыче примеръёсты авторъёс выль пормем кылъ-ёс полы пырто.
УЖЕ КУТЭМ ЛИТЕРАТУРА НО ОШМЕССИНЪЁС
1. Архипов Т. Лудзи шур дурын. Роман. Ижевск: Удмуртия, 1958. 176 б.
2. Баюшкин Н. С. Ограничительные суффиксы прилагательных в мордовских языках // Вопросы морфологии эрзянских и мокшанских диалектов (словоизменение и словообразование). Саранск, 1977. С. 75-86.
3. Белоногов Н. Азьло но берло: Повестьёс но веросъёс. Ижевск: Удмуртия, 1994. 238 б.
2007. №5 (1) ФИЛОЛОГИЧЕСКИЕ НАУКИ
4. Будагова З. И. Основы грамматики современного азербайджанского языка:
Морфология. Баку: Элм, 1987. 188 с.
5. Валишин Р. Инвожо уйшоре но пиштэ: Повесть. Ижевск: Удмуртия, 1974. 148 б.
6. Вольэг Иники. Юсьёс но кучъёс: Роман. Ижевск: Удмуртия, 1995. 124 б.
7. Гаврилов И. Вордиськем палъёсын: Роман-трилогия. Ижевск: Удмуртия, 1982. 736 б.
8. Грамматика современного удмуртского языка: Фонетика и морфология. Ижевск: Удм. кн. изд-во, 1962. 376 с.
9. Данилов В. Ограничительные прилагательные эрзянского языка (по материалам говора села Эрзянь Охонькина) // СФУ. 1968. № 4 (IV). С. 243-247.
10. Кедра Митрей. Секыт зибет: Роман, повесть, веросъёс, кылбуръёс, поэма. тодэ ваён / Азькылэз П. Поздеевлэн. Ижевск: Удмуртия, 1988. 392 б.
11. Клабуков А. Тынад пичи эшед. Ижевск: Удмурт кн. изд-во, 1955. 69 б.
12. Коновалов М. Гаян: Роман. Ижевск: Удмуртия, 1990. 15-229 б.
13. Леонтьев А. Сюрес усьтйське мынйсьлы: Исторической повесть-легенда. Ижевск: Удмуртия, 1995. 183 б.
14. Матвеев С. Шузи: Роман, повесть, веросъёс. Ижевск: Удмуртия, 1995. 288 б.
15. Перевощиков Г. Тодьы куака: Роман. Ижевск: Удмуртия, 1994. 328 б.
16. Перевощиков П. Н. Краткий очерк грамматики удмуртского языка. Синтаксис, лексика, морфология // Удмуртско-русский словарь. М.: ОГИЗ. Гос. изд-во иност. и нац. словарей, 1948. С. 369-446.
17. Петров М. Вуж Мултан: Роман. Ижевск: Удмуртия, 1977. 351 б.
18. Петров М. Зардон азьын: Повесть, поэмаос, кылбуръёс, веросъёс. Ижевск: Удмуртия, 1983. 259 б.
19. Самсонов Е. Толэзьысь тол: Повесть но веросъёс. Ижевск: Удмуртия, 1978. 169 б.
20. Самсонов С. Гожтйсько тыныд - сопал дуннее: Повесть, веросъёс, тодэ ваёнъёс. Ижевск: Удмуртия, 1993. 384 б.
21. Современный коми язык: Учебник для высш. учеб. заведений. Сыктывкар: Коми кн. изд-во, 1955. Ч. 1: Фонетика, лексика, морфология. 312 с.
22. Татарская грамматика. Казань: Татар. кн. изд-во, 1997. Т.2: Морфология. 398 с.
23. Толстой А. Аэлита / Пер. Е. Матвеева и П. Яшина. Ижевск: Удмурт кн. изд-во, 1962. 140 б.
24. Hakanen A. Adjektiivien vastakohtasuhteet suomen kielessa. Forssa, 1973. 279 s.
25. Христолюбова Л. Калык сямъёсты чакласа: Дышетскисьёслы краеведениея юрттэт. Ижевск: Удмуртия, 1995. 212 б.
26. Широбоков С. Кырзан сюрес шедьтэ: Повесть. Ижевск: Удмуртия, 1967. 104 б.
Поступила в редакцию 02.02.07
D.A. Efremov
Moderative of adjectives in the present-day Udmurt language
The author of the article claims that the Udmurt adjectives have both the categories of comparison and quality represented by the positive, moderative and intensive degrees.
Ефремов Дмитрий Анатольевич
ГОУВПО «Удмуртский государственный университет»
426034, Россия, г. Ижевск,
ул. Университетская, 1 (корп. 2).
E-mail: dmitjef@udm.ru
